នាថ្ងៃអង្គារ ១៥រោច ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៤ ខែកក្កដា ឆ្នាំ២០២៦ ឯកឧត្តម ម៉ៅ សិលា អនុរដ្ឋលេខាធិការក្រសួងប្រៃសណីយ៍ និងទូរគមនាគមន៍ និងជាប្រធានក្រុមប្រឹក្សាភិបាលទូរគមនាគមន៍កម្ពុជា (ទ.ក.) បានអញ្ជើញដឹកនាំកិច្ចប្រជុំសាមញ្ញ លើកទី៦ ក្រុមប្រឹក្សាភិបាលទូរគមនាគមន៍កម្ពុជា អាណត្តិទី៧ ដោយមានការចូលរួមពីសំណាក់សមាជិកក្រុមប្រឹក្សាភិបាល ទ.ក. អគ្គនាយករង និងប្រធាននាយកដ្ឋាន នៅទីស្នាក់ការកណ្ដាល ទ.ក.។ អង្គប្រជុំបានពិភាក្សា និងពិនិត្យយ៉ាងហ្មត់ចត់ និងយកចិត្តទុកដាក់ខ្ពស់លើរបៀបវារៈនីមួយៗ ប្រកបដោយទំនួលខុសត្រូវ ដើម្បីសម្រេចបាននូវគោលដៅរបស់ទូរគមនាគមន៍កម្ពុជានៅថ្ងៃអនាគត។