នៅថ្ងៃទី១២ ខែមិថុនា ឆ្នាំ២០២៦ ឯកឧត្ដម សឿង ម៉ូរ៉ារិទ្ធ អគ្គនាយកនៃទូរគមនាគមន៍កម្ពុជា (ទ.ក.) និងក្រុមការងារ បានចូលរួមកម្មវិធី «វិចិត្រសាលរចនាបញ្ញាសិប្បនិម្មិត (Design AI Gallery 2026)» ដែលរៀបចំដោយសាកលវិទ្យាល័យជាតិគ្រប់គ្រង (NUM) ដើម្បីគាំទ្រដល់ការសិក្សាស្រាវជ្រាវ ការច្នៃប្រឌិត និងការពង្រឹងសមត្ថភាពរបស់និស្សិតកម្ពុជាក្នុងវិស័យបច្ចេកវិទ្យា និងបញ្ញាសិប្បនិម្មិត (AI) និងបានចូលរួមឧបត្ថម្ភថវិកាមួយចំនួនដល់កម្មវិធីផ្ទាល់ ដែលបង្ហាញពីការគាំទ្រដល់ការអភិវឌ្ឍវិស័យអប់រំ ក៏ដូចជាលើកទឹកចិត្តដល់និស្សិតគ្រប់រូបៗ ដើម្បីជំរុញដល់ការអភិវឌ្ឍសេដ្ឋកិច្ចឌីជីថលប្រកបដោយចីរភាព។

ទ.ក. ក៏បានដាក់បង្ហាញផ្សព្វផ្សាយពីផលិតផល និងសេវាកម្មរបស់ខ្លួនដូចជា សេវាអុីនធឺណិត Fiber Optic, IP Phone និងផលិតផលសេវាកម្មផ្សេងៗទៀត ជូនដល់សាស្ត្រាចារ្យ លោកគ្រូ អ្នកគ្រូ និស្សិត និងអ្នកចូលរួមកម្មវិធី ដើម្បីជួយបង្កើនការយល់ដឹងអំពីការអភិវឌ្ឍ និងទំនើបកម្មសេវាកម្មរបស់ ទ.ក.។

ទ.ក. នឹងបន្តគាំទ្រសកម្មភាពអប់រំ ការស្រាវជ្រាវ និងនវានុវត្តន៍ ដើម្បីរួមចំណែកកសាងធនធានមនុស្សជំនាន់ថ្មី និងអនាគតឌីជីថលរបស់ប្រទេសកម្ពុជា។